2018 оны 06 дугаар сарын 15-16-ны өдрүүдэд Улсын Гуравдугаар Төв Эмнэлэг болон тус эмнэлгийн Зүрх судасны төв, Монголын Хэм судлалын эмч нарын нийгэмлэгийн хамтарсан “ЗҮРХНИЙ ХЭМ СУДЛАЛЫН КОНФЕРЕНЦ - 2018” эрдэм шинжилгээний хурал, сургалтын үйл ажиллагаа 3 дахь жилдээ зохион байгуулагдаж байна. 

Хоёр өдрийн турш зохион байгуулагдаж буй энэ удаагийн “ЗҮРХНИЙ ХЭМ СУДЛАЛЫН КОНФЕРЕНЦ - 2018” сургалт семинараар Монгол улсын зүрхний хэм судлалын салбарт тулгамдаж буй асуудал, дэлхий дахинд нэвтэрч байгаа шинэ ололт, амжилт, оношилгоо, эмчилгээний шинэ техник технологийн талаар мэдээ, мэдээлэл солилцон, эмч мэргэжилтнүүд өөрсдийн эрдэм шинжилгээний илтгэл, эмнэлзүйн тохиолдлуудыг хэлэлцүүлэн мэргэжил нэгтнүүдтэйгээ мэдлэг, туршлагаа хуваалцаж байна. 

Тус конференцид Монгол улсын 21 аймаг, нийслэлийн 9 дүүргийн зүрх судлалын эмч, мэргэжилтэн, эрдэмтэн судлаачдаас гадна, Ази тивийн Зүрхний хэм судлалын нийгэмлэгийн Ерөнхийлөгч БНСУ-ын Кореа Их Сургуулийн эмнэлгийн профессор Ким Юунг Хун, БНСУ-ын “Seoul St. Mary’s Hospital”-н профессор доктор Ким Сунгван, БНСУ-ын Чоннам Их сургуулийн эмнэлгийн профессор доктор Гихон И нар уригдан ирж оролцож байна.